有皮膚專科醫生指出，極少見因電髮導致皮膚敏感的情況，而市民在電髮時感到不適，應即時沖洗電髮水，以減少傷害。
皮膚專科醫生史泰祖說：「電髮比染髮造成嘅皮膚敏感，機會細好多。一般都係因為電髮用嘅藥水濃度太高，以及加熱時溫度太高或時間過長，但因為咁而敏感嘅話，受影響面積一般都會大好多，好少只係局部一細塊有問題。」
史泰祖認為，若純粹因電髮水灼傷，十來天應可痊癒。「呢類灼傷，一般都唔會好深入，用消炎藥處理就會恢復，受傷後，短期內傷口位置可能甩多咗頭髮，但好番就會生番。若果傷口太耐都唔好，或者無幾耐又復發，就要考慮其他可能，例如皮膚炎或濕疹。若電髮嗰陣覺得有灼痛或者灼熱，要立即叫髮型師同你沖水，中和番，減低灼傷程度。」