「我去見工嗰時，個老闆望吓我，望吓我張零分嘅成績單，然後問：『你憑乜呀（要我請你）？』我嗰陣時真係好嬲，覺得好難受！」現時在中華基督教會公理高中書院、任職通識教育科及生命教育科科主任的呂宇俊，是本港「著名」的零分會考生。曾經加入黑社會、逃學、上堂發白日夢，甚至輟學打工的他，就因為一次見工經驗，令他重新反省人生的價值。
呂宇俊說：「當時我真係唔知點答佢好，我覺得自己好冇用，但我好唔甘心囉，所以我同自己講，要畀多次機會自己。」結果，他決定重讀中四將基礎打好，兩年後的中學會考，他考取19分的佳績，現在除了為人師表之外，更修讀教育博士課程，令不少人大跌眼鏡。
遭人白眼但不應放棄
呂宇俊直言，會考零分的確會遭人白眼，被標籤為懶人、壞學生。曾有學生向他訴苦，謂見工時被人奚落，他便會這樣回答：「外界嘅人真係唔會明白你嘅感受，有時就連家人都唔會支持你，但你都唔可以因為咁而放棄。讀書唔成，可以學一技之長，要記住冇嘢係唔得㗎，唔試過點知自己一定衰硬？所以你先要對自己有自信。」
身為過來人的呂宇俊，為鼓勵更多和他一樣遭遇的年輕人，將自己的經歷寫成書本出版；每星期又到訪不同學校及志願機構演講，分享積極的信念。「我真係好想用我嘅經歷，勉勵更多人。我咁嘅背景、咁渣都得咯，點解佢哋唔得呢？會考零分絕對唔係末路，而係一次機會，一次要你反省的機會。」
自言輔導同學是課餘興趣的呂宇俊表示，如學生遇到困擾歡迎與他聯絡，他的電郵是[email protected]，或致電至他任教的學校找他。