法律界人士梁永鏗指出，類似陳小姐的例子，可通過法律途徑索償，包括當時之電髮費用、涉及醫療的總開支及傷痛費等。
梁永鏗說：「就算當事人唔係即刻發現頭髮傷咗，事後都可以憑醫生證明佢嘅傷勢係由化學品灼傷，加上當事人嘅口供紙，證明呢啲傷勢係同電髮有關，就可以做索償證據。」
至於索償範圍則頗廣，梁永鏗說：「首先係醫藥費，包括治療過程總支出、其間請病假以及交通開支等，甚至受傷後要食中藥，幫助傷口癒合同加速生頭髮都可以，若果外觀因為呢次受傷而受損，日後要植髮，都可以醫藥費名義索償；普通法裏面，亦可要求傷痛費，法官會睇所有證據考慮，評估原告受到嘅痛苦、傷口對日後嘅影響，例如大小、位置或會否影響其工作收入等，決定要賠嘅金額；原告亦可以毀約為理由，追番畀咗嘅電髮費用，因為冇人預期電髮會俾人整傷皮膚！」