「Iwearasuit，Ibelongtothe'Tute（我穿着套裝，我屬於公會）……」，為洗刷被稱為「數佬」的老餅古肅形象，並吸引年輕人入行，香港會計師公會（簡稱CPA）近日攝製了一輯出位短片，由五名專業會計師親身上陣大跳Hiphop，不過網民對短片評價麻麻，質疑有損專業人士形象。
該套名為《'TuteindaHouse》的Hiphop舞片段可以在香港會計師公會網站內下載，短片背景是金鐘添馬艦海旁，由三男兩女會計師做主角，五人初時均身穿整齊西裝套裝，但隨着強勁節拍響起，男主角除去西裝，包上頭巾，兩位女角則多次翻開衣領，姿態頗為誘人。
「睇到我呆咗」
在香港討論區中的「會計界」區內，會員bkin1025表示：「睇到我呆咗……完全唔係一個professionalbody（專業團體）嘅所為！」會員collinchan狠批：「無聊到極！對會計師形象有極負面影響！」會員sun_tortoise更形容：「頭先見到條女作除衫狀，我朋友以為我睇緊OL的AV（成人電影）！」
CPA主席陳茂波解釋，以出位手法宣傳CPA，是希望社會人士了解會計師除工作嚴肅外，也有輕鬆的一面。近年會計師吃香，但工時超長令新人卻步及流失率高，他說希望短片可以吸引更多年輕人入行。前會長周光暉則認為不必大驚小怪，「段片又唔係失晒儀態，十次八次嚴肅，間中一次輕鬆吓都無傷大雅啩？」
