徐若瑄噚日着上火紅色外套，配超短裙現身台灣舉行新專輯簽唱會，因為佢嘅新歌叫《美人魚》，唱片公司好揼本，砌咗個沙灘舞台，台上面仲有由海底撈上嚟嘅貝殼同岩石等布置，等徐若瑄呢條美人魚可以游上岸搞簽唱會，仲大唱新歌，奇招一出自然吸引唔少歌迷。至於佢嘅前緋聞男友周杰倫都同時間喺台灣西區舉行簽唱會，認真巧合。