我估香港無乜人唔識蘇民峰師傅啩？蘇師傅話收山唔再幫人睇相，轉收徒弟，就聯同有線搞咗輯《「峰」生水起》，將其畢生風水絕活教授有興趣人士學風水。無裝有線但又想睇，又或者Miss咗幾集想追番嘅話，大可留意呢個禮拜出街嘅《「峰」生水起精讀班》DVDBoxset；一盒四碟，由1至15集都可以睇番晒，唔明大可翻睇到明為止！
碟內輯錄咗蘇師傅以互動教學形式、將風水學的精髓親自講解畀大家知，深入淺出式教學令唔識風水嘅人都易懂易明，時不時佢仲會搞笑吓㖭！課堂中講授風水擺位法或擺位陣，所需嘅用品通常都係一般人買得起，或將東西調啱位就得喇，唔會亂教人擺啲又貴又阻碇嘅嘢嚟化衰運。盒內除有四隻碟外，仲附有一張「峰」生水起幸運卡，卡內列明「八宅每局之四吉四凶位」，及「每方位之指南針度數對照」，真係一卡傍身、風水通行。
文：盧曹珠