人靚歌甜的陳苑淇（Jolie）最愛法國菜，原因與本身性格有關，她做人慢半拍，拍照也是慢吞吞的。法國菜上菜慢，掄刀舞叉的又舀又切，吃一頓花兩小時是閒事，她就是愛法國菜的慢：「我呀，食嘢真係好慢好慢……不過呢，我又覺得，慢慢食餐飯先至開心……」或者她說得對，若你也有花得起的時間，不妨去深水灣走一轉，對住大海慢吃一餐吧。
記者：林雪兒
攝影：林栢鈞
髮型：Dicky@ChinG
服裝：YShop
充滿度假風情
「Cococabana」本身主打地中海菜，踏入9月，法籍老闆兼大廚JeanPaulGauci見稍有秋意，立即推出全新MenuProvencale，Menu靈感來自法國東南部普羅旺斯（Provence），普羅旺斯南抵地中海，沿岸有陽光與海灘，風景浪漫動人，其豐富的水產、農產品、香料及葡萄酒都非常著名，因此吸引不少世界級廚師在當地開設餐館。位於深水灣的「Cococabana」充滿度假風情，用餐，有輕音樂伴送，那份無拘無束的感覺，確實可以令人放鬆心情。
不吃廣東菜
男生們想約Jolie吃飯請注意，芸芸菜式中，她最愛日本菜及西餐，除上海菜外其他中國菜不是她那杯茶，廣東菜呢，更加不用預她份兒，何解？「我食嘢真係好慢……好慢……次次食中菜都食唔到啲乜，中菜上菜好快，大家又趕住咁夾晒嚟食。我想食快啲，點知餐餐都搞到胃痛，無謂對唔住自己個胃喇。不過上海菜就例外喎，小籠包好好味，我好鍾意食。平時我多數食西餐同日本菜，因為Presentation好靚，份量啱啱好，最重要係可以慢慢食。上次嚟過呢度影相，之後特登同朋友揸車嚟食飯，可惜每次都摸門釘，今次好呀，可以慢慢食餐飽喇。」
影相食嘢Hea足兩粒鐘
香草汁烤魷魚甜薯$110
用檸檬草、西藏番紅花調校醬汁，西藏番紅花是名貴香料，有變色、昇華食物味道作用，其獨特香味能辟腥，令魷魚鮮味更突出。
燒魴魚配蒜茸蛋黃醬$195
魴魚是法國深海魚，肉質結實味道清淡，跟蒜茸蛋黃醬一併吃，有種酸甜口感，釀番茄夾了葱蒜，很有心思。
白蘆笋酒煮青口$128
蔡瀾曾在專欄提過不吃過法國白蘆笋死不瞑目，可知白蘆笋有幾好味。青口雖然細細隻，但非常鮮甜，配荷包蛋跟Homemade麵包一併吃，滿分。
藍芝士焗元貝$168（3件）
法國矜貴藍芝士味道濃郁，豐富了元貝鮮味，那份質感非筆墨能形容。伴碟的葱蒜、紅洋葱非常惹味，吃完齒頰留香。
杏脯杏仁雪糕$68
大廚給你驚喜，放Calissons（餅亁）入雪糕，入口如吃鳥結糖，雪糕又有香噴噴的杏仁味，女生不能錯過。
食客
有Say
Lisa：「同JeanPaul認識8年，香港好少Beachside餐廳，喺呢度食飯有陽光與海灘。今次新Menu，我最鍾意藍芝士焗元貝，芝士濃烈香味好正。」
Vivi：「第二次嚟幫襯，尤其鍾意藍芝士焗元貝，好Creamy，太好食啦！遲啲我會喺呢度搞生日Party，下晝同班朋友去沙灘曬太陽，夜晚一齊食嘢，好有Feel。」
Jolie炒垃圾蟹！
剛剛一集《美女廚房》，Jolie有份當表演嘉賓。她煮薑葱炒蟹，鏡頭前看來有紋有路，她說：「平時見媽咪炒蟹都係差唔多步驟，咁咪用直覺，認為Makesense就放落個鑊煮，搞掂試菜喇，評判話食到垃圾、沙泥……真係好尷尬，原來我唔記得洗亁淨隻蟹！哈哈哈……不過我都食唔到乜古怪吖……」蟹未洗淨就煮，也不算古怪？
Cococabana（28122226）
地址：香港香島道深水灣海灘大樓2樓
營業時間︰12:00nn-3:00pm，
6:00pm-11:00pm
座位：75個
交通：中環交易廣場乘260、6A、6X巴士直達
註：SetDinner每位$420，需預先訂位留座