《蘋果》昨日大大版報道，金勞詹做咗永利賭場大贏家，一個鐘贏咗成200萬。呢個消息真係哄動，金勞詹噚日至少收到成廿幾個電話，都係恭喜佢又有大斬獲。金勞詹同八方講，由於見咗報嘅關係，所以噚日都唔再去賭，萬一輸咗，咁咪好瘀？結果急急腳袋住成250萬走人，費事又要還番畀永利啦。
雖然俾人吹捧成「賭場英雄」，但金勞詹再次重申，自己真係唔鼓勵賭博㗎，總之一定要量力而為，唔好死充。
佢仲叫煲呔都要反省吓，事關人哋濠江靠住三個賭場搞到成個城市咁蓬勃，香港就好似無咩新嘅競爭力，終有一日俾人追過。如果煲呔要贏鏵哥，一定要楔高枕頭諗諗，搞唔搞個賭場好喎。