可樂可愛又可恨

天時暑熱，最爽就係飲罐冰凍可樂，噓，舒服晒！有網友喺「香港討論區」搞最受歡迎飲品選舉，名列前茅的都係可樂（唔分牌子）。網友黑超BPost咗段〈愛喝可樂的人必看〉文章，內容分析可樂恐怖一面：「表弟車禍過世，火化之後骨頭是黃色的，撿骨的人說這種人生前一定很愛喝可樂這類的東西，而他的確是如此！」嘩有無咁激呀？睇埋佢點講：「有人將掉下來的牙齒放在XX可樂中十天，它溶解了。牙齒和骨頭是人體中唯一死亡後，仍可保存無缺的物質。」MAMAamia立即回應：「嘩~~好恐怖呀~~~都係少飲為妙~~！」不過hei27就好冷靜咁表示：「我一路飲一路睇緊=..="」咪就係囉，我打緊呢段文嘅時候，都係隊緊可樂呀，又係嗰句，信不信由你囉。