亞視搞嘅「2006年亞洲小姐競選總決賽」下月29號喺澳門舉行，噚日15位亞洲小姐港澳特區佳麗着上牛仔短裙同泳衣，去西九龍中心拉票，市民可以喺網上選出六位心水佳麗。 暫時網上票數最高嘅三位佳麗分別係5號梁新娜、8號孟玲同埋15號曾敏。另外，曾敏話就算喺咁多人前着泳衣，都唔覺得尷尬，因為佢認為參加得選美就要習慣呢啲場面。