寫意大利波多年，一直信賴所謂的聯賽「生命周期」，除季初波、下盤多這種舊調外，開季值得留意總有個別中型班令人眼前一亮，去季有利禾奴、阿斯科利，今季可先鎖定森多利亞與巴勒莫為觀察目標。
巴勒莫愈睇愈似樣
平時聯賽開鑼已多變數，今季意甲更在風雨飄搖局勢下開「咧」，先採取觀望最明智。首輪多以強隊先主場出擊，對，贏波都未必有肉食，反而可向中型班埋手。巴勒莫早成傳統勢力以外的「街坊」追捧球隊，當該隊本來已有哥連尼、巴沙利及薩加度等猛將外，再喜獲帕爾馬中場孖寶比斯安奴、森比斯奧加盟，如虎添翼。此西西里首府球隊今鬥里賈納，最大阻力是新兵未融合，而在南部打吡被看淡的一隊往往踢高半皮波，不過，我仍信巴勒莫有權敲勝鼓。
森多利亞去季為分心應付歐洲賽兩頭唔到岸，今季經重整後可望回勇，今鬥喪失射手的安玻里，贏波機會極高。
文︰藍鑽石