李珊珊同錢嘉樂拍拖８年，近日有報道指二人分手三個月，懷疑觀音兵、有線主播衞志豪係第三者。 衞志豪噚日擔任活動司儀，佢話唔知好朋友李珊珊同錢嘉樂分手：「佢兩個都冇乜嘢表現過，我同珊珊好少講感情事，都唔會乘虛而入，更加唔會追佢。」而事件主角之一嘅錢嘉樂噚日喺電話度話：「我冇嘢回應，𠵱家開緊工，現場收音，收線啦，拜拜！」
