呢排網上有好多News關於新一代smartfortwo，當中除咗有預測新車嘅造型及機械配搭係點樣之外，坊間都發放咗多款跟新smart有關嘅設計草圖出嚟畀大家睇吓，但當中最過癮嘅，我諗都係以下呢則。
喺德國Timmendorf，來自俄羅斯、並曾3度奪得世界堆沙比賽冠軍嘅PavelZasanyok，由星期一開始砌砌砌，一直砌到周末，用沙做嘅新一代smartfortwo終於現身。呢部車使用嘅沙係特別品種，就算風吹雨打都唔怕佢冧落嚟，從形狀所見，車子外觀跟現有嘅有好大唔同，其中頭燈換成一體式設計，唔似以前嘅「荷包蛋」Design，連鬼面罩嘅設計都改埋，睇落又幾得意喎！既然真車要到2007年先正式推出，不如睇住呢部用沙做嘅頂住檔先啦！
記者：鄭達基