一名獲得一張來回香港及澳洲悉尼機票的得獎者，最終因機票限制多多，她得物無所用之餘，反要自費購買機票。她直斥送出機票的航空公司毫無誠意。
讀者譚小姐投訴，指國泰航空公司的送獎安排不合理。她說：「我參加旅遊展覽抽獎時中咗頭獎，有一張來回香港至悉尼嘅經濟客位機票，有效期半年，但旺季同特定時間唔准用，淨番9月份可以起程。」
自費購機票出發
譚小姐說：「我問國泰啲職員，佢哋話有我訂位資料，叫我去辦事處攞機票，點知去到先講我喺waitinglist（候補名單），畀唔到機票，又因為10月份禁用獎賞機票嘅時間未定，連回程waitinglist都唔可以做。最尾都係要自己畀錢買機票先可以出發，國泰根本毫無誠意送機票！」
國泰航空傳訊部稱，獎賞機票登機優先權低於一般乘客，加上近期航班載客率一直高企，因此需根據機位預訂狀況，設定禁止使用獎賞機票日子，以免得獎者在乘客高峯期起行時，因航班爆滿無法登機。
譚小姐於8月3日以傳真預訂9月底出發、10月份回程機票，惟9月份航班已告爆滿，10月份獎賞機票禁用日期則未發布，以致無法為她確認機位。因獎賞機票使用有效期為半年，訂位部同事曾提出讓譚小姐先換領一套未定飛行日期機票，留待日後再確認出發日期，以免錯過機票換領期限，但譚小姐未有接受。譚小姐與訂位部同事可能出現溝通不足情況，該公司已展開內部調查，以確保服務水平能精益求精。檔案編號：0823036