思念最磨人，特別是在濃厚節日氣氛下，社會上一些老弱孤寡，更需得到外界的關懷。蘋果基金每年均舉辦送月餅行動，籌集善款購買月餅，送贈有需要家庭，「蘋果愛心月餅2006」現正展開，早前率先向弱勢家庭送上月餅，讓他們感受社會人士傳達的一絲暖意。
快將7歲的恩恩，五官標致得像個洋娃娃，說話舉止亦很可愛，誰想到歡顏背後，她要承受喪父之痛，至今仍未克服。
今年初，恩恩任燒焊雜工的父親，疑因感冒猝死，年僅41歲。恩恩的母親阿玲說：「丈夫過身咁耐，我哋兩母女其實都未完全接受到，有時個女都會話好掛住爸爸，最初幾個月，我一諗起個老公，就唔自覺咁喊出嚟！」
喪父女童最愛月餅
為免獨女情緒受波動，阿玲把傷痛強壓下去。阿玲說：「生活始終要繼續，但個女咁細，我怕會影響到佢成長，於是迫自己睇開啲，就算幾唔捨得，都要以個女為重，唔好喺佢面前咁傷心。」
心情稍稍平復，但還需面對現實生活的壓迫。剛升一年級的恩恩說：「早兩個禮拜，行街見到一啲用卡通同唱歌嚟教英文嘅卡通VCD，但媽咪就唔畀買，話太貴。但我真係好想學好啲英文，因為大個咗唔識英文，就會俾人當儍瓜！好多時想買啲玩具、零食，媽咪又唔肯，話嘥錢！」
聽到愛女無知的投訴，阿玲歉疚地說：「我哋靠綜援金生活，根本無多餘錢買呢啲嘢！我最擔心係恩恩啲功課，𠵱家都深到我唔識，第日仲點教到佢功課，但又冇能力畀錢恩恩補習喎！」
饞嘴的恩恩，看見記者送來的蘋果愛心月餅，不禁說：「我最鍾意食月餅，因為好甜好好味！」可是她隨即憶起亡父，稚嫩的聲線透着悲傷說：「舊年中秋，爸爸同我一齊用紅、黃同綠色嘅玻璃紙，整咗條魚嘅燈籠畀我玩，今年就無嘞！」
死別固不能彌補，但生離同樣叫孩子最痛。9歲的濠仔是內地人，近年便接連「失去」雙親，需要入境處行使酌情權始能留港，投靠年邁祖父母。
雙親坐監男童愁苦
可能歷經家庭驟變，濠仔份外寡言，眉宇間更常透着一股與其年齡不相配愁苦。他說：「媽媽喺大陸犯咗事要坐監，剩番我一個，爸爸就接咗我落嚟，但冇幾耐都坐埋監！」
濠仔的爺爺王伯說：「我哋本身都係靠約6,000蚊綜援金過日子，而濠仔仲未有單程證，未有資格申請綜援，所以要照顧埋佢就更困難！」
除了雙親不在身邊外，最叫濠仔難受的，便是沒有書讀的日子。濠仔說：「我好想快啲返學讀書，但𠵱家未攞到單程證，無學校收，只能夠去補習社讀住先，但補習社主要都係教英文，我唔係咁識外，其他科又教得少，而且平時又無同學陪我玩，離開補習社後，就困喺屋企，好悶！」
唯一令濠仔稍為動容的，還是即將來臨的中秋節。他接過蘋果愛心月餅後說：「我好鍾意食月餅，特別係個鹹蛋黃，好好味，以前阿爸同我喺大陸過節，邊食佢買番嚟嘅月餅，邊喺窗口睇住附近鄰居落街玩燈籠就最開心，好有氣氛！」