「香港人成日投訴，大陸人最鍾意打尖！」香港迪士尼樂園一名機動遊戲管理員抱怨部份遊客難以服侍，大大小小的遊客問題無日無之，甚至曾有遊客因插隊問題而打架，最後要報警處理，她則「日日俾人鬧」，有苦自己知。
本身只在夏季兼職迪士尼機動遊戲管理員的Candy，一臉無辜地對記者說：「我哋日日都會俾啲客鬧㗎，呢度乜嘢客人都有，最常見嘅係打尖，跟住嗌交，有一次啲遊客仲打起上嚟，結果搞到要報警。」
斥遊客插隊無禮
綜論各地遊客，Candy坦言：「香港人成日投訴，大陸人最鍾意打尖，外國人就冇禮貌，成日以為自己好了不起，日本人就最好，又有耐性又守規矩，最合作。」她續稱：「最麻煩係成班五、六十人嘅旅行團客，是但一、兩個入唔到去就會好嘮嘈，話唔一齊就唔得！我哋遊戲嘅人數有限制㗎嘛，超過限額又驚會有危險，有時真係好難做㗎。」
除了工作受氣外，Candy經過一個暑假的樂園工作過後，本身白皙的皮膚被曬得黝黑，令她心痛不已，她無奈地說：「冇辦法啦，做嘢係咁㗎啦。」
本報記者