「上海開咗，呢度肯定冇晒人啦！」香港迪士尼樂園開幕一周年前夕，迪士尼超級fans基仔、嘉露蓮、阿康和欣欣結伴遊園，力數迪士尼樂園三宗罪：面積太細小，缺乏迪士尼樂園部份傳統特色，擔心被籌建中的上海迪士尼比下去；食物及精品太貴；遊客的「質素」有待改善。
餐廳只有一張大枱
甫踏入樂園，已近下午一點，一行七人都覺得肚餓，遠遠望見美國大街轉角位上的CornerCafe，怎料女侍應Christy在門口說：「裏面已經坐滿晒，全間餐廳只有一張六至八人枱，你哋七個人只可以分兩張枱留位。」一眾迪士尼迷對此覺得很荒謬，基仔質疑說：「咁人哋一家大細嚟或者兩、三個家庭一齊嚟玩點算呀？唔通分開兩張枱坐咯喎？」Christy禮貌地解釋：「唔好意思，我都明白，不過呢個係制度問題……」
幾個迪士尼迷都覺得香港迪士尼太細小，基仔說：「香港連迪士尼傳統嘅『小小世界』都冇，人哋啲堡壘可以真係上到去，香港迪士尼嘅睡公主城堡就唔得，人哋啲主角都有自己間屋，米妮永遠都會喺廚房見客，米奇就喺書房出現。」阿康則坦言：「香港迪士尼咁細，上海開咗，呢度肯定冇晒人啦！」
「喺願望井小便」
由於採訪當天氣溫高逾攝氏30度，記者從汽水檔買了一支水，嘉露蓮正欲取冰粒濕濕毛巾，怎料職員即時喝止：「小心！千祈唔好呀，有啲細路唔知食咗乜嘢吐落啲冰水度，啲冰水好污糟㗎！」此外，一名貌似內地人的中年婦人，雖然穿着裙子，卻「棟起隻腳」，另一隻腳就「腳印印」，舉止甚為失儀。內地旅客這些惡習，令超級fans們反感。
基仔話：「其實相比起樂園初開幕時，佢哋（樂園）已經乾淨咗，遊客啲惡習都收斂咗，開頭入嚟嗰陣，我見過個大約五歲嘅𡃁仔喺白雪公主願望井度小便。可能係啲大陸人比較率性啩，當時周圍冇迪士尼啲職員，但啲人望住晒，佢都照做！」
他續稱：「𠵱家乾淨好多咯，中國人就係咁㗎啦，你大肆報道佢就會感到壓力，作出改善，否則佢哋會以為自己好啱。」
本報記者