新聞多多嘅碧咸嫂Victoria，3年前曾經錄過隻大碟《OpenYourEyes》，可惜因為當時製作公司執笠，令大碟胎死腹中。點知隻碟近日竟然喺互聯網上流傳，令碧咸嫂非常震怒。佢咁嬲主要係當年公司迫佢走流行曲路線，但佢就想以hiphop歌手身份再戰樂壇，令佢恨不得要將呢隻垃圾大碟完全毀滅。碧咸嫂又話雖然𠵱家肚內冇餡，但希望出年生第4胎喎！