《穿PRADA的惡魔》除咗有大把靚衫睇之外，齋睇梅麗史翠普嘅演出已經值回票價，佢扮演嘅魔頭老細惡得巴閉招積，真係唔係人人頂得住，奉勸天下各位老細，千祈咪有樣學樣!
*下屬要晨早預備愛飲嘅無泡特濃Latte咖啡侍候。
*一入門口就搵貴價大褸喺下屬面前發洩一番。
*落柯打要照做，有問題唔畀問，自己執生。
*老細電話一定要代接，不准令來電人士留言。
*下屬當阿四，出街借衫借道具一腳踢。
*有乜唔老嚟，即刻皺眉瞄爆你！
*開會彈人冇面畀，冇建設意見唔該收嗲。
*24小時奪命追魂call唔畀甩拖。
*送文件到老細屋企，唔准四圍超，要當自己透明。