「泳池鹹豬手」驚現將軍澳公眾泳池！網友「泳池路人甲」本月6日在UwantsForum留言，表示將軍澳泳池最少兩名男子，近日「經常喺人哋游緊水嘅時候，失驚無神伸隻手埋嚟摸女仔嘅patpat同腰！」康樂及文化事務署證實，本月6日確有一名女泳客向將軍澳泳池負責人投訴被摸，但事主沒有報警。
泳季以來接三宗投訴
該網友續稱：「不論係太太定係小朋友，總之係女仔，一律成為受害者……由於受害人眾多，所以相信啲人並唔係唔小心，而係故意！所以我喺呢度呼籲咁多位，如果真係受害，就唔好默不作聲，馬上去報警，將呢啲咁唔尊重女性嘅人繩之於法！」
上述「抽水」事件引起大批網民關注，「又有變態佬，香港好多變態佬！」「如果有人走埋嚟想摸你，你要大聲sayno！叫唔好！然後話畀你身邊信得過嘅人聽之後，再即時報警。」
康文署發言人表示，今年4月以來，轄下37個泳池共接獲三宗非禮個案報告，署方呼籲泳客一旦遇上類似的滋擾或違法事件，應該立刻向救生員或泳池職員求助。
港九拯溺員工會副主席郭紹傑表示，由於泳池有救生員當值，出入口又有保安員，故「鹹豬手」逞兇後一旦被揭發，「大把人捉佢，冇乜機會走得甩」，故泳池非禮案並不常見，他又教女泳客防範被「抽水」，「如果有人成日望住你，或者不斷喺你附近游嚟游去，就要小心。」