香港善導會秦石中途宿舍，是其中一間申請愛心月餅的社福機構，該會社監助理李先生說：「我哋主要向一啲因精神病犯罪嘅釋囚，提供住宿及支援服務，等佢哋較易重新融入社會，此外，自00年開始，我哋又會組織義工同院友，為獨居長者提供服務，好似中秋節時，派送月餅、開晚會等。」
長者對於傳統節日，感慨尤深。李先生說：「呢條邨獨居老人愈來愈多，平時生活清貧，依賴綜援外，過中國傳統節日都未必有仔女陪，特別傷感寂寞，每到過節時，唔少老人家都會主動問有冇月餅送，或者開唔開晚會，希望可以有人關心吓，玩吓，唔使喺過節時咁孤單！所以簡單一個月餅，對佢哋嚟講，其實意義好大！」