好友反攻，敲響第一輪鑼鼓，恒指跌咗3日，高低位比較，唔見咗成500點，昨日追番1成，308億元成交加埋「破腳穿頭」嘅走勢，反彈點都無咁快結束。
第一輪鑼鼓只係熱身，睇嚟呢一輪嘅鼓仲未打完，恒指已經逼近17200，照睇咁大成交支持嘅反彈，起碼會見一見假突破阻力位嘅走勢，短線阻力位喺10日線（17255），相信恒指會升近17300先至會有較大嘅壓力，不過，港股要上試17500關，能否成事，要睇吓外圍股市點走。
恒指C輪9614：港股下個禮拜一繼續推高嘅機會好大，美股有反彈條件，日股嘅技術走勢亦好轉，港股啲大藍籌近幾日借啲意回落，低位啲買盤好積極，禮拜一恒指成份股執位，個市唔會悶，除咗兩大成份股蠢蠢欲動外，啲地產股都可能炒高幫手推高個市，可以吼下啲恒指C輪。9614昨收20.8仙，升2.4%，仲有144日壽命，槓桿率15倍（有效9.9倍），引伸波幅18.3%，恒指上試17300，9614可升上22.5仙，破位上試17500，9614目標價25仙，恒指跌穿50日線沽出止蝕。
另一隻恒指C輪2407引伸波幅比9614大，達20.3%，槓桿率23.1倍（有效10.4倍），2407昨收16.5仙，恒指升抵17300及17500之目標價為18仙及20仙，止蝕參考同9614一樣。
俊樺