食語錄：菠菜撈咖喱飯整色整水

上一輩窮，無餸，所以要吃豉油撈飯，現在環境好，好端端一碗香噴噴白飯，又嫌口寡一樣要撈飯。說穿了人愈富貴愈難服侍，吃頓飯，味道當然重要，賣相亦要整色整水。我愛印度餐，皆因色香味俱全，黃一碟、紅一碟、綠一碟好搶眼；我不愛亁啃白飯，卻愛菠菜咖喱撈飯，無他，食物色彩鮮艷，食慾自然大增……

記者︰方綺君　攝影︰伍慶泉
模特兒︰Mavis

解說

豉油撈飯，歇後語是──整色整水。豉油這醬油顏色深黑，本身又是液體，添加在白飯上，白飯會即時變黑。此話用來形容人矯揉造作，喜歡做無謂的動作、說無謂的話去引別人注意，欲表演自己卻惹人討厭而不自知。

加Cream

顏色引人食慾

踏入「KoriKebab」已經聞到陣陣香料味，跟大廚Bhim打過招呼，不消一會一碟二碟菜式放在眼前，紅的綠的黃的，真的看得我賞心悅目，心忖快點拍攝完畢，然後大啖大啖吃下肚。老闆娘Pamela與我一樣，同樣被印度菜鮮艷亮麗的顏色吸引︰「我覺得印度菜好靚好Colourful，其實唔單止印度菜，印度人嘅衣飾、擺設所有嘢都好有特色。」說印度菜秀色可餐，當之無愧。
人人都知咖喱本身的顏色已經好搶眼，紅紅黃黃，眼看已經感覺好辣，但Bhim說︰「No，唔係好辣㗎咋，好多菜式只係有辣嘅香味，同埋我要配合番香港人口味，所以唔會整咁辣。」瞥眼見到一款綠油油的咖喱，與平時吃慣吃熟的青咖喱不同，不是水汪汪的，質地好Creamy好滑，Bhim見我口水流，解釋：「呢個菠菜咖喱好特別㗎，我將菠菜磨到變茸，拌咖喱一齊煮，上菜前再灑啲白雪雪忌廉，綠撞白睇起嚟就更Sharp。」沒說謊，單靠顏色，已夠惹人食慾。