睇過食神滔滔做嘅節目，都知道佢鍾意食燒豬油撈飯，連佢間元朗大榮華酒家都有得食。網友鐵甲萬能俠2號，喺Forum同大家分享佢去大榮華食燒豬油撈飯點好味法：「先叫白飯，侍仔會送來兩支嘢，一支深色有燒豬滴出來的油，另一支頭抽。」將燒豬油同頭抽撈落飯，就係好好味嘅豬油撈飯，佢仲圖文並茂，搞到好多網友睇到流口水。我阿媽話︰「使乜咁大驚小怪，你阿媽我細細個日日都食啦。」上一輩環境唔好，食豬油撈飯食到嘴歪，𠵱家竟然升格變做人人追捧嘅美食，我諗燒豬油撈飯會勾起好多老一輩嘅回憶，不過咁肥都係食兩啖好喇。
網址︰ http://www9.discuss.com.hk/viewthread.php?tid=2258868&extra=page%3D3