最近網上盛傳PSP2.71版本都可以Downgrade玩老翻，破解程式一出，自然引來大批唔尊重知識產權嘅人下載。要知道，所有Downgrade過程都存有莫大風險，既然明知山有虎，就要有定心理準備部PSP分分鐘Downgrade不成變死機，即網民俗稱嘅「磚頭」。其實論壇上已經有唔少人聲稱已中招，有人仲好抵死咁搞咗個「Downgrade變磚頭後的行為」投票選舉，最多人話自己會變咗儍仔玩自閉，其次係諗過自殺。真係咁誇？
論壇上就有條短片，講外國有個細路Downgrade不成後，對住部電腦起勢鬧，又將鍵盤當係發洩工具。雖然條片未出現過PSP，但製作人勸大家唔好改機嘅心思就非常清晰。希望網民睇到後會提醒番自己，明白咩係「早知今日，何必當初」呢！
𡃁仔發狂短片：http://www.youtube.com/watch?v=eMam0UqGQB
記者︰陸俊雄