蔣怡昨日到尖沙嘴出席由她設計的十二生肖腳印飾物系列活動，她曾與瀕臨絕種小老虎接觸，所以收到大會送贈印有老虎立體腳印海報時，即感動得淚灑當場。提到早前被魔鬼魚刺死的「鱷魚先生」歐文，她指任何愛動物的人假如有日命喪於動物手上，都不會怪牠。
蔣怡早前為「拯救中國虎國際基本會」設計一套十二生肖腳印飾物系列，更赤裸上身拍攝一輯加上虎紋電腦效果的照片。昨日她到男友翁狄森於尖沙嘴的「LifeofCircle」首飾店出席有關活動，活動前他曾現身，但活動開始卻不見了蹤影。
問蔣怡與男友感情現況時，她照例不願多談說：「我同佢都鍾意動物，好想為動物做番啲嘢，為呢個project都見多咗面，不過都係傾公事。」
熱衷保育工作
昨日大會送蔣怡一張老虎海報，海報上是她曾探望的瀕臨絕種老虎，現時內地已將牠們送往南非野生動物園培育，到08年北京奧運才送返內地，她見到海報上老虎的立體腳印即感動落淚，她說：「如果我唔做呢行，就會做動物保育工作，喺台灣時我成日睇DiscoveryChannel。」
蔣怡續說：「日前睇新聞見『鱷魚先生』歐文俾魔鬼魚刺死，我都傷心咗一日，不過真正鍾意動物嘅人，好似喺動物園照顧老虎嘅員工同我講，如果有日俾老虎咬死，佢哋都唔會怪啲動物，所以我相信『鱷魚先生』都唔會怪魔鬼魚。」
採訪、攝影：RitaLeung
