舒淇及徐若瑄的陳年寫真集被炒至數千元，本報記者昨日就此進行街訪，發現大部份男士都不願付此高價購買這兩本寫真，可謂有價冇市。
邱先生：
呢兩本我最多都只會畀幾百蚊買，同埋要買都情願揀徐若瑄嗰本，我都唔鍾意舒淇，其實我唔好呢啲嘢㗎。
關先生：
太貴，兩本我都有啦，我買時都係百幾蚊之嘛，我鍾意睇徐若瑄多啲，有啲日本明星都會睇吓。
黃先生：
嘩，兩本都唔買啦，唔值咁嘅價錢，我覺得兩本都唔過一百蚊囉，可能我唔睇呢啲書啦，我比較另類㗎。咁貴真係唔買，揭吓欣賞吓就OK。
