陳敏之夜蒲失儀

陳敏之（中）同沈婷（左）前晚出現夜蒲蘭桂坊，原來近日有泰國攝影師拉隊嚟香港，為無綫藝員影月曆相，佢兩個當晚聯同馬國明、鍾嘉欣等，去蘭桂坊一間餐廳歡送攝影師，一班人玩至凌晨兩點先走。陳敏之就同沈婷喺經理人陪同下去街頭等車。唔知陳敏之係咪等到唔耐煩，上車時因為拉唔開車門，於是忍唔住大叫：「喂，開唔到車門呀！」都幾失儀。