香港人好有諗頭，黑牛、鹹檸七、可樂煲薑、薄荷阿華田……地踎茶餐廳通通有得飲，外國人見到出晒煙嘅可樂煲薑都咪話唔驚。有網友ltk530問：「忌廉溝鮮奶正唔正???有無人試過？汽水溝乜最好飲……」vickySR爆笑表示：「我聽過有人試 但係自己唔敢試 好似好危險咁！」其實危險極頂籠咪絞肚收場？gozilla1941回應：「冇嘢架（㗎），汽水同紅茶一樣，加檸檬又得，加奶又得。」汽水真係咁百搭？oo108仲話：「市面上直情有一罐罐"忌廉溝鮮奶"買（賣），幾好味，自己溝就未試過。」咁堅？如果大家知道喺邊度有得賣，不妨上網回應吓。
http://www10.discuss.com.hk/viewthread.php?tid=2241061&extra=page%3D3