今日開始，以後的每個星期五，都會見到呢個新欄目。「任你遊論」的意思就是希望和讀者一起分享旅遊的種種事情，包括去東京邊間壽司最正？去首爾自由行，五日四夜點安排？你有問題，歡迎即刻send電郵嚟：[email protected]齊齊討論啦！
Q：本人即將去巴黎自由行，想問吓邊度可以Book到平靚正酒店呢？
A：最近我較喜歡登上由巴黎旅遊局提供的網站。網站內除有齊酒店、旅館、學生宿舍等住房相關訊息外，最正是有一個即時訂房的服務，內裏有超過200間以上的酒店以供選擇，而且細心地用了街區劃分，方便查詢，另外，在這個網址內訂酒店，有時仲可以以原價的五折起優惠訂房，好多位於市中心的酒店，我發現好多3星酒店都不過是50、60歐元左右，不貴啊！而在網上訂房，除了可以即時確認房間外，最吸引是毋須即時線上付款，換言之唔使怕要提供自己的信用卡資料，感覺安全好多！此外，網站內仲有好多享受巴黎生活的實用知識同貼士，又有齊巴黎各種節慶、美術館、博物館等的最新情報。最重要有中文㗎，易明白好多！
巴黎旅遊局：www.parisinfo.com
記者：李莉