日前有報道話李珊珊同錢嘉樂8年情玩完，好友葉青霖（小圖）噚日出席港台活動時被問到此事，佢話：「我冇嘢講，唔好意思！答唔知我就呃你，但唔想講任何嘢，佢兩個都係我好朋友。」記者問佢有冇安慰珊珊？葉青霖就話：「大家都係成年人，唔使喇！」報道仲話珊珊分手後暴肥，葉青霖即刻扮聽唔到：「吓？你哋做乜突然講日文呀？」經佢咁講，睇嚟個答案已經呼之欲出啦！
