日本二王子妃紀子前日剖腹誕下男嬰，唔少日本藝人好似瀧澤秀明同島袋寬子等都齊聲道賀，而9月6號生日嘅「日本演歌王子」冰川清，前日喺愛媛縣舉行個唱兼29歲生日會嗰陣，就話：「呢個消息（紀子產子）令我靭驚喜又光榮，今日絕對係我一生中最難忘嘅一日。」當日冰川仲唱咗全新鹹蛋超人電影主題曲，佢話希望小王子可以生得好似鹹蛋超人咁強壯喎。