應昌佑18歲時曾到美國留學五年，早前他跟隨黎明拍攝音樂電影時重遊舊地，更到最喜愛的蘇豪區閒逛，不禁令他想起當年在美國駕車時，座駕的尾翼被鋸去，以及被誣衊撞傷人的往事。
應昌佑（Charles）早前到紐約拍攝音樂電影《緣邀之音》，完成工作後便到蘇豪區閒逛。原來Charles當年到美國留學時常到蘇豪區購物，他日前說：「因為我好鍾意行呢區啲舖頭，呢度賣啲嘢比較啱我心水。」不過他堅持不駕車到該區，因為他曾有不快經歷，他說：「其實我一向都唔敢揸車落蘇豪，因為嗰度泊車好貴，朋友試過揸車落蘇豪泊低架車，唔夠半個鐘就俾人勾走咗。」
寧願搭巴士
Charles又講述座駕曾遭毒手，他說：「有次我揸車落蘇豪同朋友食飯，點知食完之後發現架車唔見咗，搵咗一陣，見到有架車啲擺設好熟口面，再細心睇，先睇到架車係自己嘅，尾翼竟然俾人鋸走咗。」經此一役，Charles每次去蘇豪區都只會搭巴士。
被屈撞傷人
除此之外，Charles又在美國遇過交通意外，他說：「嗰次我喺油站入完油，一駛出油站，有架車就撞埋我架車度，點知撞到我嗰個女人喺差人到場時，話我開車傾電話撞到佢，真係好激氣。」
採訪、攝影：李珮洳
