車人合一：Gin媽開學一車晒冷　等女湊孖孫接菲傭

車人合一：Gin媽開學一車晒冷　等女湊孖孫接菲傭

我係阿Gin，媽媽換了本田最新Odyssey七人車，終於有多餘位畀我黐車坐，以前佢接阿爸、姨甥女返學，加埋工人Joselin，已逼到沙甸魚咁，而我同讀小一的姨甥仔Boris就要坐校車獨自上路。有部靈活七人車，令一家上下皆大歡喜，可以「柴娃娃」舒舒服服去返學，問媽媽點解買Odyssey，佢話最重要係可以攝位快，咁我哋可以閃電上落，唔怕遲到喎。
記者：陸伊琳
攝影：譚盈傑

Gin媽：睇位好車廂大

職業：主婦
年齡：黐線，我咁後生，一睇就知年年30歲喇。
曾擁車款：Civic、豐田Camry、平治E系
用車要求：上落快、攝位快

「個女好鍾意曬太陽及大自然，我專登揀有大天窗啲款。」

「我送完孫仔同個女返學，都會揸車去買餸，間中仲去西貢買海鮮、入元朗買甜品，2,354c.c.引擎好夠用，就算坐滿人，架車都一樣有力。」

「Mum，我哋已『驚』換咗架Bigcar，啲餸可以放喺個Boot。」「呀，係喎。」

「收起後座，有好大地方任工人擺嘢。」

「架車唔算大，睇位泊車都好方便，就算要同其他保母車攝位接放學，都難唔倒我。」

阿Gin：落車唔走光

職業：學生
年齡：16
坐車要求：成家人都坐得舒服、落車方便。

「有愛心保母車，同阿媽傾偈的時間多咗，不過放學想去街，就有啲困難了，嘻嘻。」

「不過略嫌個倒後鏡細咗啲，人哋都想照吓個貓樣先入學校嘛。」

「車身唔算高，落車唔會走光，上次坐大哥部四驅越野車，上車落車都要好小心，太高喇，一不留神就走晒光。」

姨甥女曦曦：獨霸後座冷氣

職業：學生（我仲可以做乜）
年齡：4
坐車要求：好瞓囉

「嘩，呢架車後面都有獨立冷氣，呢個係我私家風口，我凍就熄咗佢，唔會熱親婆婆（即Gin媽）。」

「最後一排個位較窄，不過我細細粒就啱啱好。」

姨甥仔Boris：舒服到瞓着

職業：學生
年齡：6
坐車要求：後排要大，我霸晒後座。

「等阿妹放學，食完嘢，我瞓吓先，架車裏面好大㗎。ZZZZ……」

「曦曦，我等咗你好耐，好彩婆婆架車夠大，任我玩任我瞓。」
「唔好咁喇，可以大家一齊返學放學，好開心無咁悶。」

「車尾廂好大，躲起來嚇一嚇工人Joselin先，嘻嘻嘻。」

家傭Joselin：洗車打理好方便

職業：工人（話明係家傭，仲問）
年齡：啊．．．．．．Secret呀
坐車要求：「追」緊要洗到車頂

「我話你『豬』，架車唔『交』，我Wash個車頂好方便，伸手就Clean到個Toproof。Noneedtoclimb！」

「我Show『脾』你『體』，單手都OK摺到，SimpleisFast。」

「舒服，Verygooddddd，雖然阿Mom揸，但我要幫手買餸，Boot好大，放好多嘢，而且Onetouch摺嚟摺去，Verysimple呀。

Gin媽結論：用車最緊要抵

雖然Odyssey個樣不算搶眼，只是給人平實的感覺，但對我這些用家來說，揀車實用至上，一部家庭車$270,000左右，又唔太食油，合乎經濟原則。之前睇過的同款豪華版，賣$290,000，佢哋兩者分別最大是平版無咗第三排電動調校座位功能，要手動；第二就是沒有高效能投射式白光燈同前置霧燈以及太陽擋連照明裝置。

HondaOdyssey7-SeaterSedan

引擎：2,354c.c.直4DOHCi-VTEC
馬力：160ps/5,500rpm
扭力：22kgm/4,500rpm
傳動：5前速S-Matic+/-波箱
售價：$268,880
查詢：合群汽車（28278622）