黎明與劉偉強導演昨日出席港台攝影比賽頒獎禮，他在台上慨歎說：「影相可以有好多回憶，但影相都要有道德，影應該影嘅嘢。」其後又說：「影相同飲酒一樣，飲酒有酒品，影相要有相品，從張相將人嘅本質反映到。如果做嘢冇修養，就可以成為罪行嘅利器。」
「嗰個人有問題」
日前黎明的女友樂基兒行catwalk時，遭人特意拍攝其內褲，黎明聽後說：「我覺得媒體影相要保障觀眾嘅知情權，佢將嗰個人嘅眼打咗格仔，反而內褲嘅相冇打。媒體覺得嗰個人有問題，就應該畀人知佢係點，觀眾應該想知邊個，多於睇條褲。𠵱家咁樣，藝人仲有乜方法為媒體回應呢？我明白媒體點睇，但我嘅答案係迴避你想知嗰個答案，我唔想牽涉其中。」
對於有電視女藝人換衫的短片外洩，黎明說：「呢啲非常普及同正常，但每個人要有操守、道德。」
記者好奇問到他可曾拍攝女友的換衫片段時，他說：「如果呢啲成為新聞，咁我就唔需要唱歌啦﹗」
採訪、攝影：王連連