馮小剛近日喺威尼斯影展宣傳新作《夜宴》，不過內地有報道話佢有份投資、位於北京嘅「不見不散」茶餐廳，雖然喺04年被吊銷營業牌照，但一直未結算債務。早前菜商傅先生入稟北京市朝陽區法院，要求對方進行清算，事關間餐廳仲欠佢75萬人民幣未還。日前法院判決要一班股東清算，並責令喺6個月內執行。馮小剛嘅代表律師話佢願意配合法院嘅判決。