名模是非如雪球般愈滾愈大，陳沛嘉早前發聲明指有同行怕地位不保，拒絕與她同場演出，矛頭直指陳嘉容（Eunis），兩人現身時，即成焦點人物。
陳嘉容黑面
陳嘉容早前又被周刊指大爆「有人做雞」，前晚陳沛嘉到中環出席上海灘酒會時，被問到此事，她句句有骨說：「呢個字眼唔應該出自咁有崇高地位嘅模特兒身上，模特兒代表唔同品牌出席活動，言論修養好重要，想繼續喺香港立足，言語修養要好慎重。」
至於陳嘉容昨日則與熊黛林及李嘉慧在金鐘出席伯爵錶活動，記者將陳沛嘉指模特兒言論要謹慎的說法告訴她時，她一聽已黑面說：「冇回應。」然後說：「模特兒係半個娛樂圈中人，希望大家對呢啲娛樂新聞唔好咁認真。」
此外，名模LisaS.昨日在中環行婚紗騷，她力撐陳嘉容說：「我信她甚麼都沒有講、沒有做，等如我百分百信我男朋友。」
採訪：JessicaNgan、DebbieLum、GeneNg
攝影：ChanShunChing、RickyChan