周末場合4場蠱惑「半/一盤」，要捉啱莊家開盤心理，盲信表面數據隨時跌落賠錢陷阱，上、下盤要有效出擊。
般尼現排英冠聯賽榜第6位，高車士打排名22，後者兩場作客聯賽全負。般尼今仗更有近兩次聯賽迎戰高車士打俱淨贏一球以上往績支持。是役莊家理應開出般尼穩贏嘅讓一球盤口，但外圍亞洲盤只見般尼讓半/一，邊有咁筍？
朗斯「半個上盤」照殺
法甲主隊朗斯讓華倫西恩斯半/一，華軍雖為升班馬，但迄今4戰只1敗，睇住呢班波係咁畀莊家「加分」，如果華軍近況唔係咁醒，呢日作客朗斯起碼受讓一球。莊家相信華軍已建立下盤捧場客群，有受注力，開上盤亦好可能只派半個，呢「半個上盤」就唔可以錯過嘞。
英超聯紐卡素主場讓球主客和讓富咸一球，情況同般尼對高車士打相似，富咸「客勝」受飛力應有限，呢班波上季作客聯賽贏得一場，今季首仗作客曼聯又被大炒1:5。事實上「紐記」𠵱家無乜前鋒可用，新兵馬田斯及奧雲仔都有傷。富咸作客唔識贏波，唔代表唔識打和。
周日荷甲聯烏德勒支主場對華域克，讓球主客和讓一球就似「客勝」格局嘞，畢竟烏德勒支今季兩戰暫得1和1負。
文：華度