香港樂施會毅行者隊伍「新興遨遊人」今年威過威士忌，繼今年4月響新西蘭贏咗個冠軍後，上個禮拜又喺澳洲悉尼以12小時37分完成100公里路程，再度奪標，為表揚呢支隊伍，民政事務局常任秘書長林鄭月娥噚日特登頒贈祝賀狀畀四位隊員，希望佢哋再接再厲，喺11月10至12日嘅「香港樂施毅行者」中再下一城，向「三料冠軍」進發。
毅行者自1981年開始遠足籌款，樂施會今年以「地球天天轉，信念沒改變，毅行25年，從未怕路遠」慶祝毅行者25周年紀念。毅行者過去25年有超過五萬多人參賽，共籌得二億二千萬元。樂施會作為一個扶貧救災機構，八方都好希望佢哋可以攞到美滿成績。