馮德倫早前為名牌EmporioArmani拍攝宣傳照，自爆以前未有經濟能力時第一件Armani是穿A貨。他八年前終有機會與品牌合作，更與曾傳緋聞的舒淇拍檔行騷。
近年演而優則導的馮德倫，早前在中環穿着EmporioArmani拍攝宣傳照，連環試穿四、五套冬裝，他表示任模特兒非常輕鬆，但笑言擺甫士不及其好友謝霆鋒犀利。
拍星爺電影
馮德倫說：「我自細好鍾意Armani，覺得casual得嚟有型，但一直冇能力買，第一件着上身嘅Armani仲係老翻，係人哋送畀我嘅，𠵱家當然唔會再着啦！後來一入行，經濟好啲，就會買冷帽、牛仔褲，因為可以着多幾次，第一次同Armani合作就係八年前同舒淇一齊幫A/X行騷。」
談到近況，馮德倫指12月將拍攝周星馳投資的電影，他說：「喺半年前佢搵我，今次會喺內地拍冬天景，𠵱家仲等緊佢嘅劇本，佢嘅古仔保證好笑好睇啦，佢一向有自己風格，笑中有嘢講。」
山水有相逢
周星馳與馮德倫女友莫文蔚曾有過一段情，問他可覺尷尬？他說：「呢個唔使講啦，我哋工作至上，strictlybusiness,nothingpersonal!（純粹工作，不談私事）」那有否事先問准女友？馮德倫說：「冇問題啦，呢個圈人人都會有機會合作。」
採訪：梁錦雯
攝影：林德雄
