對於誰是「A小組」，全港議論紛紛，由於控罪書只以「A小姐」稱呼事主，所以連庭內的記者都不知道該女藝人身份。
律師鄧達明表示，案情撮要一般都會列出姓名，這次以代號稱呼，表示事前控方已向法庭申請不准披露身份：「其實喺一啲敏感情況，身份保密係想保障受害人嘅自身安全。
如果因為上庭搞到人人都知，第日名人出事咪唔敢報警囉。」他表示，今次事件法庭禁止傳媒披露，違者可被控蔑視法庭。
執業律師涂謹申表示，由於是次限制主要針對傳媒，網民於討論區內胡亂猜測沒有犯法：「假如有人將段嘢放上網，但係冇話係邊個，即使引人聯想，都冇直接犯法。」但他指出，有關人士可以就侵犯私隱等原因向法庭申請禁制令，但大前提是片段可以清晰辨認其身份。