身為鄭少秋與沈殿霞之女，欣宜自出生以來即成各界焦點，無論身處何地均成為大家茶餘飯後的話題，昨日欣宜宣布拜師劉家昌，為殺入樂壇鋪路，不少網民也在網上討論欣宜入行這話題，其中香港討論區更有一個名為「其實欣宜錯在那裡？」的標題，吸引逾千網民瀏覽。
傻邦：
講真對佢唔太反感，不過都會拎呢個人嚟講吓笑，我諗啲人對佢反感係因為佢老母。
捱花轎BOYZ：
佢嘅條件根本唔適合做藝人，樣衰身材差，希望佢明白入娛樂圈都要有自知之明。
遊牧：
講真如果佢唔係肥姐個女，點會有人捧佢呀？
ericgi：
錯在佢做乜要做呢行囉！佢好扮嘢，減肥冇問題，但又要出來娛圈，盞令人更討厭。
恩沙基2006：
錯在佢係肥姐個女，圈中人人都要畀面佢，所以先捧到佢上天咁滯。最大問題係肥姐愛女心切，只容許擦鞋友拍馬屁，唔容許觀眾批評，唔鍾意佢，須知做明星首先要觀眾緣，但欣宜就冇囉！
資料來源：www.discuss.com.hk