草蜢前晚演出尾場個唱放到盡，蔡一智獲未婚妻許可，與台上女舞蹈員激吻，蔡一傑繼續手摸狼女胸，演唱會末段三子還脫掉上衣獻唱，觀眾要求三度安哥始散場，讓草蜢三子也回味無窮。
草蜢一連六場的《草蜢我們的演唱會2006》前晚在紅館結束，葛民輝、周麗淇、蘇永康、許志安、鄭伊健及林曉峰夫婦前晚都有捧場。
草蜢三子在尾場表現最放，蔡一智與女舞蹈員激咀，赤裸上身的他還因褲子太鬆而不時露T-back，蔡一傑則與餓狼女扮親熱，還以手摸對方胸部，蘇志威更施展秘技，在引體上升環節時以單腳勾住橫木倒吊，出位表演博得如雷掌聲。三人在演唱會末段時，還唱到興奮除衫，以一身肌肉答謝觀眾。
全場大清唱
至第二次安哥後，連樂隊都已離場，觀眾卻不肯走，草蜢徇眾要求再出場，與全場觀眾萬人大清唱《Lonely》、《朋友》，並於11時40分才正式完騷。
事後草蜢出席慶功宴，問蔡一智與女舞蹈員咀得過激，回家會否被未婚妻扭耳仔，蔡一傑搶答：「係佢另一半話佢唔夠激，都係戲嘅一部份啫。」對於做出高難度單腳倒吊，蘇志威說：「練咗好耐，所以我冇kiss，怕錫到軟咗做唔到呢個動作。」傑仔表示過萬觀眾一同跳舞是很好的回憶，問他們是否有part3加場，阿智謂：「我哋過兩日要喺紅館做慈善騷嘉賓，part3冇計劃，不過我哋會出碟，好快又出現。」
「兩兄弟被蝦」
對於有雜誌指草蜢不和，蔡氏兄弟聯手排斥蘇志威，蘇志威謂：「舊聞啦，10年前都有人咁寫過，我攞番出嚟畀你哋睇都得。」傑仔說：「可能我哋喺台上講嘢令人有誤會，我哋兩兄弟被蝦就真。」
採訪：胡比
攝影：林德雄
