韋斯咸獲泰維斯同馬斯真蘭奴加盟後新聞多到一籮籮，先有被富商收購事件，最近更有傳班管理層插手玩「排陣」，一定要領隊柏度將呢兩位阿根廷孖寶列為正選。柏度聽完梗係火滾啦，事關做領隊出咩球員都規定晒，肯定冇晒樂趣，唔怪得柏度話如果強迫佢出泰維斯同馬斯真蘭奴嘅話，惟有劈炮唔撈！