一對藝人情侶，因男方遺失內存電視藝人女友更衣片段的手機，被一名地盤工拾獲，並勒索五萬元的案件，在娛樂圈引來極大迴響，昨日不少電視藝人對此事作出回應。上屆香港先生冠軍高鈞賢透露被朋友懷疑是主角之一，他說：「今日有好多圈中朋友打畀我，問我係咪嗰個22歲男藝人，佢哋估係我同葉翠翠，我都冇同佢拍過拖，同佢係好朋友關係，我冇影過呢啲嘢，不過覺得當事人好慘。」
向海嵐拒拍換衫相
向海嵐說：「我一定唔會影呢啲咁嘅相，個男仔如果冇得到女朋友同意之下影人哋換衫，佢個行為就好唔要得，段片流咗出去會對個女仔構成好大傷害。我認為呢啲時刻同畫面應該留喺腦入面，所以唔需要影低。」郭羨妮則說：「因為係藝人先俾人敲詐，我自己𠵱家唔會將自己相片存喺手機。」
採訪：丁寧