我個friendMabel噚日偷偷地同我講：「呢個星期日得唔得閒。」我望望佢個好冧嘅樣，就知道佢想講咩。果然佢一開口就如我所料：「陪我去婚紗展吖。」佢話，呢個星期六、日，喺紅磡都會商場有個「台北結婚節展銷會」，除咗有婚紗、攝影等等，現場仲有專業攝影師為參觀嘅人免費影相留念，準新人仲可以免費參加抽獎，如果即場選購婚紗攝影套餐5,000蚊以上，仲可以免費換2,000蚊嘅婚姻見證服務等等。
聽佢一輪嘴咁講，我最後都係唔去。各位Blogger，咪以為我好衰，陪準新娘去睇展覽都唔肯。有無睇過一套外國戲叫《一顆恨嫁的心》？講恨嫁嘅單身女仔成日去唔同地方試婚紗。現實中真係有咁嘅人㗎，Mabel我唔係講你呀。:p
逄周一至周四刊出