數最多港人捧場嘅國家隊，非巴西同英格蘭莫屬。長踞世界第1、「森巴足球」嘅魅力毋須多講啦；而「情意結」呢3個字，相信就係大部份英軍球迷肯忠心追隨多年的原因。
英軍踢法夠晒爽
以往英格蘭無論人腳有幾好，但一去到正式比賽就硬係發揮麻麻，尤其進攻方面；不過自麥卡倫上任後，風格真係唔同晒，對希臘同安道爾呢兩場波，可以用個「爽」字去形容。以往一批苦無機會嘅球員都大打爭氣波，好似夏格維斯同艾朗連儂等，兩場都交足功課，報答領隊對佢哋嘅信任，相信嚟緊賽事勢必更加賣力，以確保正選席位。
以色列冇主場吼贏兩粒
今晚馬其頓對英格蘭，相信主隊好難抵擋英軍強勢。雖則馬其頓近一年來確實有唔少進步，有脫離歐洲魚腩嘅迹象，不過今場波只能夠採取輸少當贏心態，兩球就點都走唔甩，一於捧「讓球主客和」1.75倍「客勝」。
上場大敗的安道爾，今晚中立場對以色列。質素只屬業餘分子的安軍，確難以同歐洲列強抗衡，但佢哋作戰態度積極，相反一向攻力唔強的以色列缺主場優勢，難有大炒機會。單博賠率，我揀以軍贏兩球，「讓球主客和」選5.2倍的「和局」。
強尼
有線球彩台主持
電郵：[email protected]