杜琪峯執導電影《放．逐》的演員黃秋生、吳鎮宇、張家輝、何超儀、任賢齊及任達華等，前晚出發到意大利出席威尼斯影展，秋生穿黑長裙現身本來搶盡風頭，豈料鎮宇一到機場即噴火爆粗，投訴太太被狗仔隊追訪。
秋生長裙搶鏡
拍得與陳雅倫親吻的照片，該報記者事後將照片展示給鎮宇的太太看，鎮宇前晚氣憤地說：「一張隨地執到10份嘅報紙，使唔使咁做？走嚟問我老婆係咪生育有困難，我關佢×事呀？點解唔call我做回應，追埋返屋企問我老婆，搞到我𠵱家冇心情欣賞秋生條裙。好彩老婆知乜嘢事，佢哋將啲相放上網又點，我老婆知係乜嘢事，佢冇嘢。」
任達華上周拍攝新片《跟蹤》一場血漿淋眼戲後，疑血漿不潔令眼睛受細菌感染，出發前做了一個眼部小手術，不過他一見秋生的裝扮，即開玩笑說：「佢拍戲都唔理人，只係諗自己點做去搶人鏡，拍戲都唔理人，着衫更加只顧自己啦。」張家輝也說：「秋生今次為咗個影展用咗10萬去買衫，成身係陳大文設計，佢一有機會就會表演蛇舞。」
此外，該片演員昨晚約七時抵達威尼斯，何超儀說：「架飛機引擎有事，去到羅馬轉機又出咗啲麻煩，終於遲咗幾粒鐘先到達。今次我帶咗近20套衫，其中一套喺內地有個女星着過，點知發生章子怡俾人寫着舊衫，我驚到腳震，唔敢着呢件衫。」
採訪：魯萍、何永寧（威尼斯）
攝影：陳順禎、陳俊強（威尼斯）
