鄭嘉穎昨日到尖沙嘴海港城出席無線投影時計活動，獲頒發黑色誘惑大獎。他表示相當滿意今次的酬勞，又說若果日後有機會置業，會毫不吝嗇地花費裝修，嘉穎說：「我都好想買樓同屋企人住，呢張空頭支票都開咗好耐，我阿媽條頸都長咗成兩吋咁多，𠵱家真係要畀心機搵錢。」
三拍周麗淇
提到將來結婚，老婆豈不是要與其家人同住？嘉穎說：「呢個問題太長遠啦，如果結婚咪買多層囉。」此外，有傳他將與緋聞女友周麗淇三度合作拍劇，並會到日本取景，對此嘉穎說：「如果套劇開得成都開心，都唔怕啲觀眾睇厭。每個年代都有唔同嘅螢幕情侶，好似鄭裕玲同周潤發，鄭少秋同汪明荃，我唔介意做第三對。」
採訪、攝影：楊潔雯