返美度假兩個月的樂基兒昨日復工，穿上泳衣配冬裝在中環行騷，可惜出師不利，疑遭場內戴面罩怪人偷影臀部。上月度過26歲生日的她謂生日願望不是想結婚，而是希望身體健康。
久未露面的樂基兒、AmandaStrang、美國超模Elysee等昨日在中環為EscadaSport行騷，演繹一系列靈感來自世界多個旅遊勝地，如法國卡西斯、挪威卑爾根等的新裝，圖案及色彩繽紛，充滿活力與動感。
錫住男友甜到漏
樂基兒穿上泳衣配冬裝、毛毛靴，大騷長腿，有指現場出現戴面罩怪人偷影模特兒臀部，問樂基兒可會擔心？她說：「我見唔到喎，今日我都OK啦，唔係好性感，泳衣外面都有着衫。放咗一輪假，好想返工呀！」
放假兩個月，樂基兒返回美國三藩市度過26歲生日，男友黎明可有探望？她依舊非常保護男友說：「我同屋企人一齊，人哋做嘢，我唔答。」提到生日，她說：「我同成班最close嘅friends喺三藩市食飯慶祝。」問她最close的男友有沒有同場？她說：「過咗唔講喇！總之，我每年生日都咁開心，今年嘅surprise係覺得自己大個女咗，思想諗法都要大個番啲！」問她可是人大了，想成家立室結婚？她即發嬌嗔說：「唔係㗎，唔係諗呢啲，係想讀書成績好同埋要健康。」
Amanda維護樂仔
此外，AmandaStrang早前出席柯受良盃賽車，有報道指她疑遭余文樂摸patpat，她昨日否認說：「件衫好厚，根本feel唔到，佢係一個好人。」
採訪：RitaLeung
攝影：ChenWaiOn
